Codex Regius Gl. kgl. sml. 2365, 4to. Hliods bið ec allar kindir meiri oc miNi mavgo heimdallar vilðo at ec ualfꜹþr uel fyr telia forn spioll fíra þꜹ er fremst um man. Ec man iotna ár um borna þa er fordom mic fǫdda hofdo nio man æc heima nío iviþi miot uið mǫraN fyr mold nedan. Ar uar alda þar er ymir bygði vara sandr nę sęr ne sualar uNir iorð faNz ęva ne upp himin gap uar giNvnga eN gras hvergi. Adr bvrs synir bioðom um ypðo þeir er mið garð mǫran scopo. sol scein suNan a salar steina þa var grvnd groin grǫnom lauki. Sol varp svNan siNi mana hendi iNi hǫgri vm himin iodyr sol þat ne uissi huar hon sali atti stiornor þat ne visso hvar þęr staði atto mani þat ne vissi hvat hann megins atti. Þa gen gengo regin oll arꜹk stola giNhęilog god oc vm þat gęttvz nott oc niþiom nꜹfn vm gafo morgin heto oc miðian dag vn dorn oc aptan árom at telia. Hittoz æsir a ida uelli þeir er hꜹrg oc hof hatimbroðo. afla lꜹgðo ꜹð smiðoþo tangir scopo oc tol gorðo. Teflðo itvni teitir voro var þeim vettergis vant or gulli. vNz III. qvomo þursa meyiar amatkar mioc or iotvn heimom. Þa g. r. a. ar. hverr scyldi duerga drotin scepia or brimis bloði oc or blam leGiom. Þar mot sognir mǫztr vm orðinn dverga allra eN dvriN aNaR þeir man licon morg vm gorðo dvergar or iorðo sem dvriN sagdi. Nyi oc niþi norðri oc suðri ꜹstri oc uestri alþiofr dvaliN. biv a/R bava/R bꜹmbuR nori án oc anaR ai mioðvitnir. Veigr oc gandalfr vindalfr þraiN þeccr oc þoriN þror vitr oc litr nár oc nyraþr nv́ hefi ec dverga regiN oc raðsuidr rett um talþa. Fili kili fvndiN. nali. hepti. vili hanaR svi oR. frar hornbori. fręgr oc loni. ꜹrvangr. iari eikins cialdi. Mal er dverga idvaliNs liði liona kindom til lofa rs telia. þeir er sotto fra salar stæini ꜹrvanga siꜹtt til ióro valla. Þar var drꜹpnir oc dolgþrasir hár hꜹg spori hlęvangr gloi. scirvir. virvir. scafiþr. ai. alfr oc yngvi eikinscialdi. fialaR oc frostri fiNr oc giNaR. þat mvn vppi meþan ꜹld lifir langniþia tal lofars hafat. Vnz þriár qvomo or þvi liþi ꜹflgir oc astgir ęsir at hvsi. fvndo alandi litt megandi asc oc emblo orlꜹglꜹsa. ꜹnd þꜹ ne átto óþ þav ne hꜹfðo la ne lęti ne lito goða. Aund gaf oþiN oþ gaf hęnir la gaf loðvR oc lito goða. Asc ueit ec standa heitir yGdrasill hárbaðmr ausiN huíta aúri. þaðan coma da/Gvar þęrs idala falla stendr ę yfir grǫN vrðar brvNi. Þaðan coma meyiar margs uitandi þriar or þeim sę er und þolli stendr vrð héto eina aðra verþandi scáro asciði scvld ena þriðio. Þęr lꜹg lꜹgðo þęr líf kvro alda bornom ór lꜹg seGia. Þat man hon folc uíg fyrst iheimi er gvll ueig geirom stvddv oc ihꜹll hárs hana brendo. Þrysvar brendo þrysvar borna opt osialdan, þo hon eN lifir. Heidi hána heto hvars til hvsa com uólu vel spá uitti hon ganda seið hon kvNi seiþ hon leikIN ę var hon angan illrar brvðar. Þa g. r. a. a. huart scyldo ęsir afrað gialda eþa scyldo goðin ꜹll gildi eiga. Fleygði oðiN oc ifolc um scꜹ́t þat var eN folc vig fyrst ihęimi. brotiN var borð uegr borgar asa knatto vanir uigspa uollo sporna. Þa g. r. a. hverir hefði lopt alt lęvi blandit eþa ętt iotvns oþs mey gefna. Þorr eiN þar var þrvngin moði hann sialdan sitr er hann slict vm fregn age ngoz eiðar orð oc sęri mál ꜹll megin lig er amedal fóro. Veit hon heimdalar hlioð vm folgit undir heiðvonom helgom baðmi. á sér hon ꜹsaz ꜹrgom forsi af ueði val fꜹdrs uit oþ er en e. hvat. Eín sat hon uti þa er iN aldni com yGióngr asa oc iꜹgo leit. hvers fregnit mic hvi freistiþ min alt ueit ec oðiN hvar þv ꜹga falt ienom męra mimis brvNi dreckr mióð mimir morgin hverian af veþi v. v. e. e. h. Valþi henne herfꜹðr hringa oc men fe spioll spaclig oc spa ganda sa hon uitt oc vm vitt of verold hveria. Sa hon valkyr ior vítt vm komnar gꜹrvar at riða til goðþioðar. scvld helt scildi enn scꜹgul a/Nor gvNr. hildr gꜹndul oc geir scꜹgul. nv ero talþar na/Nor herians gorvar at ríþa grvnd valkyrior. Ec sa baldri blodgom tivor odins barni or log folgiN stóð vm vaxiN vollo hęri miór oc mioc fagr mistilteiN. Varð af þeim meiði er mer syndiz harmflꜹg hęttlig hꜹþr nam scióta. baldrs broðir vár of boriN snęmma sa nam oþins sónr ein nęttr vega. Þo hann ęva hendr ne hꜹfuþ kembþi aþr a bál vm bar baldrs andscota. en friG um grét ifensꜹlom ua val hallar. v. e. e. e. h. Hapt sa hon liGia undir hvera lundi lę giarn lici loca aþeckian. þar sitr sigyn þeygi vm sinom ver velglyioð v. þ. e. h. A fellr ꜹstan um eitr dala sꜹxom oc sverþom sliþr heitir sv. stod fyr norðan aniþa vollom salr or gvlli sin dra ęttar. enn aNaR stoð a okolni bior salr iotvns en sa brimir heitir. Sal sa hon standa solo fiáRi na strondo a norþr hor fa dyR. fello eitr dropar iN vm lióra sa er undiN salr orma hryGiom. Sa hon þar vaþa þvnga strꜹma menn morð vargar meins vara oc. oc þaN aNars glepr eyra rv́no þar sv́g niþ ha/Gr nái fram gengna slęit vargr vera v. e. e. e. h. Avstr sát in aldna i iarn uiþi oc fǫddi þar fenris kindir. verþr af þeim ꜹllom eiNa noccorr tvngls tivgari itrollz hami. Fylliz fior vi feigra manna ryþr ragna siót rꜹðom dreyra svart var þa sol scín of svmor eptir veþr oll valynd v. e. h. Sat þar a hꜹgi oc sló hꜹrpo gygiar hirþir gladr eGþęr. gól vm hanom igagl viþi fagr rꜹdr háni sa er fialaR heitir. Gól um asom gul lincambi sa uecr hꜹlþa at hiarar at heriafꜹdrs. eN aNaR gelr fyr iorð neðan sót rꜹ́þr háni at sꜹlom heliar. Geyr garmr mioc fyr gnipa helli festr mvn slitna eN fre ki reNa fiolþ veit hon frǫða fram se ec lengra vm rag na rꜹc rꜹm sigtyva. Broþr mvno beriaz oc at ba/Nom verþa mvno systrvngar sifiom spilla hárt er i heimi hór domr micill sceGꜹld scalm ꜹld scildir ro klofnir vindꜹld vargꜹld aþr verold steypiz mvn engi maþr oðrom þyrma. Leica mims synir eN miotvðr kyndiz at en galla gial lar horni hatt blęss heimdallr horn er alopti męlir oðiN við mims hꜹfuþ ymr iþ aldna tre eN iótvN losnar scelfr yGdrasils ascr st andandi. Geyr nv g. Hrymr ekr ꜹstan hefiz lind fyr sn yz iormvngandr i iotvn moði. ormr knyr vNir eN ari hl accar slitr nai nef fꜹlr nagl far losnar. Kioll feR ꜹs tan koma mvno mvspellz vm lꜹg lydir eN loki styrir fara fifls megir meþ freka allir þeim er brodir by leipz ifór. Hvat er meþ asom hvat er meþ alfom gnyr allr iotvn heimr ęsir ro aþin gi stynia dvergar fyr stein dvrom veG bergs visir v. e. e. h. Surtr feR svNan meþ sviga lęfi sciN af sverþi sol valtífa. griot bi org gnata eN gifr rata troþa halir helveg en himin clofnar. Þa cǫmr hlinar harmr aNaR fram er oðiN feR við ulf vega en bani belia biartr at surti þa mvn friGiar falla angan tyr. Þa kǫmr iN micli mꜹgr sigfꜹdur víðaR vega at val dy ri. letr hann megi hvedrvngs mvnd vm standa hiór til hiarta þa er hefnt fꜹdur. Þa kǫmr iN mǫri mꜹgr hlodyniar gengr oþins sonr vid ulf vega drepr hann af moþi miðgarz uęor mvno halir allir heim stǫd ryþia gengr fet nío fiorgyn iar bvR neppr fra naðri niðs oqviðnom. Sol ter sortna sigr fold imar hverfa af himni heiðar stiornor. geisar eími viþ aldr nara leicr har hiti uið himin sialfan. Geyr n. Ser hon upp koma ꜹðro siNi iorð or ęgi iþia grǫna. falla forsar flygr ꜹrn yfir sa er afialli fisca ueiðir. FiNaz ęsir aiþa velli oc vm mold þinvr matkaN dǫma oc a fimbvl tys fornar rvnar. Þar mvno eptir vndr samligar gvll nar tꜹflor igrasi fiNaz. þers i ardaga attar hofðo. Mvno osanir acrar uaxa bꜹls mvn allz batna baldr mvn coma. bva þeir hꜹþr oc baldr hroptz sigtoptir vel val tivar v. e. e. h. Þa kna hǫnir hlꜹt viþ kiosa oc byrir byGia brǫdra tveGia. vind heim vidan v. e. e. h Sal ser hon standa solo fegra gvlli þacþan agImlé þar scolo dyGvar drottir byGia oc vm aldr daga ynþis niota. Þar kǫmr iN dimmi dreki flivgandi naþr fraN neþan fra niþa fiollom. beR ser ifioþrom flygr vꜹll yfir niþha/Gr nai nv mvn hon seyqvaz.